-1 C
Скопје

Книга „Балканот – шпионски крстопат“: Поглед кон светот на разузнавачките служби

Професорот Иван Бабановски, како еден од најпознатите аналитичари во сферите на безбедноста, разузнавањето и контраразузнавањето, по 11 објавени книги со содржини од овие области, пред неколку денови ја објави и својата најнова книга „Балканот – шпионски крстопат“.

Последните три децении Балканот поминува низ пеколот на војните, политичка дестабилизација, економски колапс, експлозија на организиран криминал, огромна корупција, јакнење на мафијашките структури и ерозија на сите државни системи и субјекти за борба против асоцијалните појави и сите видови и облици на безбедносни ризици и загрозувања, забележува безбедносниот аналитичар Иван Бабановски во својата најнова книга „Балканот – шпионски крстопат“.

Книгата е објавена од „Академски печат“, рецензенти се проф. д-р Самуил Садикарио Колономос и криминалистот Енвер Исеини, а рецензија на страниците на книгата има и Мартин Димковски Бабагинин, кој го направи и дизајнот на корицата.

– Книгата „Балканот – шпионски крстопат“ на Иван Бабановски на аргументиран и на пристапен начин, со познат стил близок и јасен за читателите, ни го претставува светот на разузнавачките служби, нивното делување на Балканот во периодот на дисолуција на СФРЈ и обезбедување претпоставки за продор на исламскиот фундаментализам и на други радикални сили во Европа. Како и во другите негови книги, читателот оттаму црпи огромен број проверени и документирани информации за тајните операции и за нивните носители на тлото на Балканот и пошироко во цела Европа – забележува Бабагинин во својата рецензија.

Прочитајте и...  Драмски текст „9“ од Гоце Ристовски: Крик за спас на индивидуата

На приближно 400 страници авторот на книгата ги растајнува и ги разјаснува двојните шпионски игри на разузнавачите од повеќе светски служби и агенции. Книгата не застрашува, туку предупредува и укажува дека носителите на злото мора да бидат следени, разоткривани и оневозможувани во името на правата и на слободите на сите граѓани на светот.

Содржините во книгата се појаснети и поткрепени со фусноти и со прилози, но и со веродостојни фотографии и останата фотодокументација. Покрај фокусот на Балканот и некои случувања во нашата држава, Бабановски ги толкува и односите помеѓу разузнавачките служби на големите сили, како САД, Кина, Русија, Велика Британија, Германија, Франција, Израел, Индија и други.

(Текстот е објавен во „Културен печат“ број 57, во печатеното издание на „Слободен печат“ на 21-22 ноември 2020)

Прочитајте и...  Книжевен превод: „Теорија на чудноста“ од Павла Хоракова

Поврзани вести

Драмски текст „9“ од Гоце Ристовски: Крик за спас на индивидуата

Тони Димков

Книжевен превод: „Теорија на чудноста“ од Павла Хоракова

Тони Димков

Македонски ПЕН центар: Прегледот за 2020 година е објавен на англиски јазик

Тони Димков

Нова книга: За Григор Прличев и неговиот ХIХ век

Тони Димков

Разговор со режисерот Гоце Цветановски: Филмската машинерија е како лавина

Тони Димков

Интервју со Тина Иванова, в.д. директорка на НУ Филхармонија: Свесно и разумно ја прифативме целата ситуација

Тони Димков

Остави Коментар