Клуб од Бахреин беше блиску до сензација против Кјелце на Супер Глоуб
Иако влегоа како голем фаворит, ракометарите на Кјелце сериозно се изнамачија против Ал-Најма од Бахреин на стартот на Супер Глоуб турнирот (27:26).
Натпреварот од групата Б понуди голема драма и малку фалеше за големо изненадување. Во драматичен финиш полскиот тим успеа да победи.
Бахреинците започнаа одлично и први имаа минимално водство, меѓутоа се играше егал. Кјелце успеа пред крајот на полувремето да ја наметне својата игра, па на паузата замина со четири гола предност (17:13).
Стартот од второто полувреме ја донесе најголемата предност која ја имаа избраниците на Талант Душебев (пет гола), меѓутоа Ал-Најма не се откажа. Со неколку мини-серии се врати во мечот и натпреварот влезе во трилер завршница.
Пред крајот Бахреинците водеа со 25:26, но Кјелце со својот квалитет и искуство во последните моменти обезбеди минимална победа.
Дел од истата група со Кјлеце е и Сран Франциско кој утре ќе се сретне со Ал-Најма, а во четврток со Кјелце.