Кинеската компанија Aridge го претстави во Дубаи својот летачки автомобил, модуларниот LAC (Land Aircraft Cruises), кој може да полетува и слетува вертикално како хеликоптер. Оваа демонстрација го привлече вниманието на локалните власти, инвеститорите и потенцијалните купувачи од Обединетите Арапски Емирати и Катар. Електричниот LAC може да се контролира со џојстик, но има и автоматски режим на лет, што значи дека може да го користат луѓе кои немаат пилотска дозвола, објавува Bloomberg- пренесува Б92.рс.

Во Кина, цената ќе биде малку пониска од 233.000 евра, а компанијата планира првите продажби на редовни клиенти да бидат во 2027 година. Досега се евидентирани 600 преддоговори за возилото. Властите во Дубаи нагласуваат дека летачките автомобили се иднината на мобилноста и очекуваат дека, како што повеќе компании влегуваат на пазарот, возилата ќе станат подостапни за пошироката јавност.

Се очекува „Ериџ“, кој е дел од „XPENG Motors“, да продолжи со меѓународно тестирање и добивање на потребните дозволи за продажба и користење на своите летачки автомобили во Емиратите и други земји. Индустријата за летачки автомобили во Дубаи и низ целиот свет доживува брз развој, особено благодарение на напредокот во развојот на батерии и електрични погони.

Сепак, пазарот сè уште не е тестиран, а производителите се соочуваат со предизвици во финансирањето и регулативите, што го ограничува ширењето на технологијата на пошироката популација.