После неколку дена молк, Ким Кардашијан проговори за менталното здравје Канје Вест и неговиот нервен слом, откако раперот, а сега и кандидат за претседател на САД, со изјавите ја шокираше светската јавност.

Започна претседателската кампања на Канје Вест: На хаотичен митинг во панцир дебатираше за абортусот

Како што пишува Ким на инстаграм-стори, семејството е немоќно околу се тоа, а Канје е „генијален, но и комплициран“.

„Многу од вас не знаат дека Канје има биполарно пореметување. Сите кои се борат со тоа или имаат блиска личност која се бори, знаат колку е тоа неверојатно комплицирано и болно. Никогаш јавно не зборував за тоа како влијае на нас, бидејќи сакам да ги заштитам нашите деца и правото на Канје за приватност кога станува збор за неговото здравје. Но денес се чувствувам дека морам да коментирам, бидејќи постојат стигми и несфатеност кон менталните болести“, пишуа таа.

Истакнува дека зборовите на Канје некогаш не се поклопуваат со неговите намери, а ова следува откако раперот објави дека се обидува да се разведе од неа откако се сретнала во хотел со раперот Мик Мили. Твитот исчезна, односно беше избришан набргу по објавата.

„Оние кои ги разбираат менталните болести и компулсивното однесување (биполарноста) знаат дека семејството е немоќно освен ако не станува збор за малолетник. Знам дека Канје е предмет на критики бидејќи е јавна личност, а неговите постапки предизвикуваат силни емоции и размислување. Тој е генијална, но комплицирана личност која е под постојан притисок како црн уметник кој чувствува болка поради загубата на неговата мајка и постојано се сноси со притисокот од изолацијата, што почесто го предизвикува неговото биполарно однесување. Оние кои се блиски со него ја знаат неговата душа и сфаќаат дека неговите зборови понекогаш не се поклопуваат со неговите намери“, продолжи Ким.

„Животот со биполарното пореметување не ги намалува неговите сонови и креативност, без разлика на тоа колку несфатливо им изгледа тоа на другите. Тоа е дел од неговата генијалност која ја сведочиме сите, неговите бројни сониште се исполнија“, пишува Ким.

„Личноста сама мора да побара помош, а не семејството и пријателите наместо неа“, заклучи Ким Кардашијан.

Ким Кардашијан и Кање Вест се заедно од 2012 година, а во 2014 година ја официјализираа врската и стапија во брак. Тие се заедно вкупно осум години и имаат четири заеднички деца: Норт (роден 15 јуни 2013, Сеинт (роден 6 декември 2015), Чикаго (родена 15 јануари 2018 година) и Псалм (роден 9 мај 2019 година).

Канје Вест не престанува да го шокира светот: Ким сакаше да ме однесе во лудница, нејзината мајка ја продала секс-снимката! (ФОТО)