Лекси, ќерката на Дејвид Боуви и Иман денес има 19 години. И покрај тоа што е дете на славни родители, Лекси не пораснала под светлата на рефлекторите. Нејзините родители по секоја цена сакале да го избегнат тоа.

Лекси, со полно име Александра Захара Џонс, која живее во Лос Анџелес и се обидува да се пробие како уметница,на својот инстаграм-профил напиша дека мајка си Иман не ја видела шест месеци и дека многу и недостасува. Не се видела со мајка си поради коронавирусот кој беснее во Америка. Додека Иман живее во Њујорк каде што е нивниот дом, Лекси е моментално во Калифорнија.

„Имам 19 години, ама сè уште сум дете и мама ми недостасува“, напиша Лекси.

Инаку Лекси не е експонирана во јавноста. Целото семејство и пред смртта на Дејвид Боуви живеело повлечен живот. Дејвид и Иман се венчале на мала церемонија во Швајцарија во 1992 година и биле во брак до 2016 година, кога тој починал од рак на црниот дроб.

Лекси е нивно единствено заедничко дете, а Дејвид Боуви има и син од бракот со првата сопруга.

Иман не сака ќерка и да тргне по нејзините стапки во манекенствово.

– Секоја агенција, секој дизајнер ми се јави да ми каже: „Ако сака, може да биде наш модел“. Одоговарав: „Не, не сака.“. Знаев зашто сите сакаа да ја ангажираат – затоа што му е ќерка на Дејвид Боуви – раскажа во едно интервју Иман.

„Мислеше дека премногу ја штитам, ама и реков дека сè може да причека. Ништо нема да и побегне. Имај свој живот додека можеш, еден ден сигурно ќе биде јавен, затоа уживај сега“, зборува Иман за нејзиниот заштитнички став кон Лекси.