Тренерот на Баерн Минхен, Томас Тухел сака на лето да го засили својот тим со одбранбениот играч, Каземиро, пишува „Кикер“.

Стратегот на актуелниот германски шампион е голем фан на Бразилецот кој моментно ги брани боите на Манчестер јунајтед.

Сезонава во Премиер лигата до сега за „црвените ѓаволи“ запиша 20 настапи и два голови.

Трансферот на Каземиро на „Алијанц Арена“ е тешко остварлив, а доколку тоа не се случи, тогаш Тухел ќе инсистира на привлекување играч со сличен профил.

Специјалистот верува дека Џошуа Кимих ќе се снајде уште подобро доколку му се даде малку послободна улога во средниот ред, поради што сака во својот состав да има играч кој може да игра пред одбраната.