Македонската фудбалска репрезентација одигра само 1-1 против Казахстан во Скопје и ги намали шансите за директен пласман на Светското првенство 2026. По овој резултат, „црвено-жолтите“ ќе мора да ја бараат својата шанса за бараж во последниот меч од циклусот против Велс во Кардиф.

Гостите го отворија резултатот на стартот на второто полувреме преку Караман, по несигурност во нашата одбрана. Македонија потоа ја презеде иницијативата и израмни во 74. минута преку капитенот Енис Барди, кој со фантастичен слободен удар го постигна својот јубилеен 20. гол за националниот тим.

Иако „рисовите“ до крајот создадоа уште неколку шанси преку Трајковски, Елмас и Серафимов, немаа среќа да стигнат до целосен пресврт. Сега сите погледи се насочени кон дуелот со Велс, кој ќе биде клучен за местото во баражот.