Иако се пишуваше дека Барселона сака да го доведе Единсон Кавани од Манчестер јунајтед, веќе во јануари, новинарот Фабрицио Романо објави дека англискиот клуб всушност не добил никаква понуда за Уругваецот, ниту од шпанскиот клуб, ниту од бразилскиот Коринтијанс, со кого исто така го поврзуваат.

– Манчестер Јунајтед сè уште нема добиено никаков пристап од Барселона за Единсон Кавани. Во Барселона и понатаму го сметаат Феран Торес за важен член на тимот и немаат намера да го променат тоа. Истото важи и за гласините за Коринтијанс. Нема никакви понуди за Кавани во јануари – напиша Романо на својот Твитер профил.

Кавани, кој во февруари полни 35 години, до крајот од сезоната има договор со Јунајтед и речиси е сигурно дека нема да му биде понуден нов.

Сезонава Уругваецот одигра пет натпревари во Премиер лигата и постигна еден гол.

Во својата кариера Кавани настапуваше уште за екипите на Данубио, Палермо, Наполи и ПСЖ.