Повеќе од јасно беше дека Чави Ернандес ќе го наследи Роналд Куман на местото тренер на Барселона, само не се знаеше дали катарскиот клуб Ал Сад ќе го пушти на половина од сезоната.

Преговорите меѓу Барселона и Катарците завршија, и Чави до крајот на неделата ќе го преземе каталонскиот клуб.

Турки Ал-Али, извршниот директор на Ал Сад изјави дека сè е готово.

– Се договоривме со Барселона и Чави може да замине, бидејќи тие ќе ја платат излезната клаузула за него. Се договоривме и да соработуваме со Барселона во иднина. Чави е важен дел од историјата на нашиот клуб и му посакуваме сè најдобро.

Чави ни кажа дека сака да оди и да ја преземе Барселона бидејќи неговиот клуб е во голема криза. Ние го прифативме тоа – рече Ал-Али.

41-годишниот Чави како играч ги имаше најголемите успеси токму со каталонскиот гигант. Освои осум титули во шпанската „Ла Лига“, шест во националниот Суперкуп, четири во Лигата на шампионите, три во „Копа дел Реј“, а по две во УЕФА Суперкупот и Светското клупско првенство. Неговиот учинок беше 58 голови од 505 настапи за екипата од „Камп Ноу“.

Turki Al-Ali: The #AlSadd administration has agreed on Xavi’s move to Barcelona after the payment of the release clause stipulated in the contract. We’ve agreed on cooperation with Barcelona in the future. Xavi is an important part of Al-Sadd’s history and we wish him success. pic.twitter.com/3FvCOdYl5X

— 🏆 #76 Al Sadd SC | نادي السد (@AlsaddSC) November 5, 2021

Чави: Враќањето во Барселона би било спектакуларно