Канје Вест го сака Хитлер, Маск му го суспендираше профилот на Твитер
Раперот Канје Вест даде ново интервју, можеби најконтроверзно досега, во кое го величи ликот и делото на водачот на нацистите, Адолф Хитлер.
„Секое човечко суштество има некоја доблест, a особено Хитлер. Хитлер е, исто така, роден христијанин. Ја гледам некои добри работи кај Хитлер. Ги сакам сите луѓе. Евреите не можат да ми кажуваат дека морам да ги сакам и дека морам да го сакам тоа што го прават со договорите и тоа што го форсираат со порнографијата“, изјави Вест во разговор со Алекс Џонс, теоретичар на заговор.
Watch for yourself. In the same breath, Kanye West praises Hitler and attacks Jews. pic.twitter.com/HXhdPBNrTd
— Ahmed Baba (@AhmedBaba_) December 1, 2022
Кога Џонс му рече дека не ги сака нацистите, Канје му одговори: „Јас го сакам Хитлер. Мора да престанеме да ги оцрнуваме нацистите цело време“.
„Ти имаш фетиш на Хитлер“, му одговори Џонс во еден момент, кому му стана непријатно поради антисемитистички изјави на раперот. „Не сум баш за тоа што го велиш за Евреите“, се надоврза Џонс.
„Не ми се допаѓа зборот ‘зло’ покрај зборот нацист. Ми се допаѓаат Евреите, но ги сакам и нацистите“, изјави Вест.
Kanye West: “I love Jewish people, but I also love Nazis.” pic.twitter.com/xZxsQ4GkUa
— Right Wing Watch (@RightWingWatch) December 1, 2022
Твитер го суспендираше профилот на Канје Вест
Твитер повторно го суспендираше профилот на Канје Вест, само два месеца откако му беше вратен профилот, бидејќи неговите твитови ги прекршиле правилата на платформата, објави „Ројтерс“.
Сопственикот на Твитер, Илон Маск, кој себеси се нарекува апсолутист за слобода на говорот, во октомври го поздрави враќањето на раперот на платформата.
„Дадов сè од себе. И покрај тоа, тој повторно го прекрши нашето правило против поттикнување насилство. Сметката ќе биде суспендирана“, напиша Маск на Твитер, како одговор на еден корисник кој му напиша „Илон, ве молам, решете го проблемот со Канје“.
Имено, пред да биде суспендиран, Вест објави „твит“ кој беше беше тргнат од Твитер, но „Ројтерс“ не успеа да ја потврди точната содржина на спорната објава.
I tried my best. Despite that, he again violated our rule against incitement to violence. Account will be suspended.
— Elon Musk (@elonmusk) December 2, 2022
Падот на Канје Вест: Од музичка икона, до човек кому светот му го сврте грбот
