Камен саркофаг од втори век пронајден во Карпош (ФОТО)
Градоначалникот на Скопје, Петре Шилегов, вчера на својот Фејсбук профил објави фотографии од артефакти што биле пронајдени во скопската населба Карпош 4, при реконструкција на улица.
Од Музеј на Град Скопје, денеска го потврдија пронајдокот, потенцирајќи дека се работи за камен саркофаг и три елементи на надгробен Олтар кои потекнуваат од римски период 2 век од наша ера.
Пронајдоците биле извадени во присуство на Вера Атанасовска, археолог и конзерватор, директорот Коле Чапкановски, како и Ленче Јованова, археолог, советник-кустос, вработена во ЈУ Музеј на град Скопје. Во соработка со Град Скопје тие ќе бидат пренесени на археолошкиот локалитет Скупи.