Калиопи и Жељко Самарџиќ ја промовираа „Знам“ пред македонската публика
Македонската поп-дива Калиопи Букле и „стариот волк“ Жељко Самарџиќ ја промовираа нивната нова песна „Знам“ пред македонската публика во „Аудиокултура“ во Скопје.
На денешната прес-конференција беше присутен и авторот на песната, Ромео Грил.
„Морам да ѝ се заблагодарам на Калиопи што ме спои со маестро Ромео, и до толку го засакав, што можам да му ја оставам сопругата“, изјави Жељко Самарџиќ.
„Среќа е што Жељко, кога ја снимавме песната во Скопје дојде со Маја. Ромео е инаку строг кога станува збор за работа во стдуио, но Маја некако успеа да го скроти и да му дозволи да ги прифати нашите енергии“, рече Калиопи на денешната прес-конференција.
Меѓу другото, Жељко Самарџиќ потврди дека „Знам“ е биографска песна и додаде дека е привилигериран што успеал да сними песна со уметник како Калиопи.