Професорот по кривично право, Гордан Калајџиев, кој е еден од ретките јавни критичари на системот „Безбеден град“ („Сејф сити“), напиша уште една критика, спорејќи ја тезата дека системот со камери, кој од неодамна бележи сообраќајни прекршоци во неколку градови и на дел од автопатиштата низ земјава, во секој случај ја зголемува безбедноста.

Тој вели дека бил напаѓан поради јавните критики и бил осуден како да сака да гази деца по улици. Реално, вели проф. Калајџиев, сега се поголеми шансите да прегази некого, бидејќи постојано зјапал во брзинометарот за камерите да не го фатат како ја надминува дозволената брзина.

„И така дознав дека ние што имаме некакви забелешки за Безбеден град всушност сакаме да газиме деца по улици! Искрено, шансата да прегазам некого сега кога зјапам во брзинометарот се поголеми од порано. П.с. Системот се разбира само ги намали брзините, но и натаму не влијае врз пешачките премини, пијаните возачи…“, напиша проф. Калајџиев на Фејсбук.

Претседателот на Уставен Костадиновски го испофали „Безбеден град“ пред Судот да одлучува по четири претставки со кои проектот се оспорува