Како да научивме еден систем за справување со вирусот, вели д-р Мехмедовиќ
Вечерва во дебатниот магазин „Click Plus“ на ТВ21 гостуваа инфектологот д-р Фадил Цана и портпаролот на Комисијата за заразни болести, д-р Злате Мехмедовиќ.
Мехмедовиќ вели дека не само кај нас, туку и во светот, контролата врз епидемијата е таква каква што ќе ја наметнеме, односно согласно препораките од стручни лица.
„Некако како да научивме еден систем за справување со вирусот. Веројатно дека овие мали промени кои се случуваат во насока на тоа како може да се контролира подобро“, додава Мехмедовиќ.
Според Цана, факт е дека омикронот „нѐ најде во една состојба која ние ја наследивме“.
„Сите сме свесни за транзицијата во Министерството за здравство и мислам дека омикронот не најде баш во тој момент, и некако како да ја доби таа битка. Омикронот е секаде присутен, мораме да бидеме самокритични и да признаеме дека е широко распостранет“, додава Цана.