Најмалку 42 лица, вклучувајќи Малавијци и Зимбабвејци кои работат во Јужна Африка, загинаа кога патнички автобус излетал од патот, се превртел и паднал во насип во Јужна Африка, изјави денес локалниот министер за транспорт.

Несреќата се случила вчера на околу 90 километри од границата кога возачот на автобусот очигледно ја изгубил контролата врз возилото, кое се движело кон Зимбабве, изјави Виолет Матие, министерка за транспорт на североисточната покраина Лимпопо.

Спасувачките екипи „сè уште работат на местото на настанот, но досега е потврдена смртта на 40 лица“, изјави министерката за новинскиот канал „Њузрум Африка“. Меѓу жртвите е и 10-месечно девојче, рече таа.

LIMPOPO BUS CRASH KILLS 40

Just in: At least 40 people, including a 10-month-old child have died in a bus crash on the N1 in Limpopo South Africa

The Limpopo Department of Transport and Community Safety said the bus crash occurred in the evening on Sunday, 12 October 2025. pic.twitter.com/CcWVpVqaH6

— Bongani Siziba (@siziba_bongani) October 13, 2025

Најмалку 38 лица се однесени во болница, а спасувачките екипи бараат повеќе жртви, изјави министерот за eNCA, онлајн новинска мрежа.

Автобусот доаѓал од градот Геберха, кој се наоѓа во Јужна Африка, на околу 1.500 километри од местото на несреќата.

Несреќата веројатно е предизвикана од замор на возачот или механички дефект, рече министерот.

Јужна Африка има софистицирана и прометна патна мрежа, со висока стапка на смртност од сообраќајни несреќи, главно поради прекумерна брзина, опасно возење и употреба на возила што не ги исполнуваат потребните прописи.