Во организација на Сојуз на спортови на Скопје, а под покровителство на Град Скопје, денеска ќе се одржи јубилејното 10-то издание на „Авицена женската трка”, која е единствената масовна, манифестација посветена исклучиво на жените, а има за цел промовирање на здравите навики и физичката активност.

Покрај одбележувањето на важноста на физичката активност, особено трчањето и пешачењето, како примарна превенција за здравјето на женската популација, оваа рекреативна атлетска трка, која е дел од трките на „Виз Ер Скопски Маратон”, има за цел и да ја промовира заштитата на животната средина.

Стартот и целта на трката, ќе биде паркингот на Градскиот парк во Скопје, а од пријавените 2 000 натпреварувачки, бидејќи станува збор за трка од натпреварувачки карактер, ќе се прогласат најдобрите, со што ќе следува лотарија со извлекување на среќни стартни броеви од сите учеснички.