Јовановски: Граѓаните не треба да ги критикуваат превозниците, треба да ја критикуваат Арсовска
Блокадите на крстосниците ќе останат се додека не се седне на маса и не се изнајде законски и соодветно решение за целиот проблем.
Ова го изјави првиот човек на „Слобода превоз“ Ленин Јовановски кој меѓу другото истакна и дека превозниците не ја исклучуваат можноста за радикализација на протестите во следните неколку дена.
Според Јовановски, целта на протестите е како што рече, превозниците да го свртат вниманието кон себе и на тој начин граѓаните да ја дознаат вистинската состојба.
– Не можат граѓаните да ги критикуваат приватните превозници, треба да го критикуваат изворот на овој проблем, а тој е кај градоначалничката која што дозволи нешто вакво да се случи. Не смеат граѓаните да дозволат да имаат градоначалник кој треба да се грижи за нивните интереси и за јавниот интерес а кој на еден ваков начин го нарушува – вели Јовановски.
ВИДЕО: Расте нервозата, скопјани заглавени кај Тутунски поради протестот на приватните превозници