Претседателот на Украина Володимир Зеленски го назначи Андриј Јермак да ја предводи делегацијата што ќе води разговори со САД и Русија како дел од иницијативата за мировен план на американскиот претседател Доналд Трамп. Уредбата за назначувањето е објавена на страницата на украинскиот претседател каде се наведува дека  на Јермак му е „дозволено да прави измени во составот на украинската делегација, во договор со претседателот на Украина“.

Според уредбата, претходниот шеф на преговарачкиот тим за разговори со Русија, секретарот на Советот за национална безбедност и одбрана (NSDC), Рустем Умеров, исто така ќе остане дел од тимот, кој сега ќе се приклучи на поширока преговарачка рамка со претставници на САД и Русија.