Една од најдобрите српски спортистки е бремена и наскоро ќе роди девојче… Поранешната српска тенисерка Јелена Јанковиќ (35) и нејзиниот партнер, докторот Бранко Бараќ, ќе станат родители, пренесува српски Курир.

За приватниот живот на Јелена малку е познато, а за тоа е и самата заслужна бидејќи секогаш се трудела што помалку детали од нејзиниот живот да излезат во јавноста. До неодамна Јелена успешно го криеше и емотивниот живот, но сепак, медиумите пред неколку месеци дознаа дека таа има нов партнер, угледниот доктор од Белград, Бранко Бараќ. Како што наведуваа локалните медиуми тогаш, таа и докторот се запознале по тенискиот турнир одржан во јуни во Белград. Кога Новак Ѓоковиќ дознал дека е позитивен на коронавирусот, Јелена која била во контакт со него, морала да се тестира.

Тогаш во една приватна белградска клиника, каде заминала на преглед, го запознала докторот Бранко, и буквално како на филм, веднаш се родиле симпатии помеѓу нив. Додека се лекувала од ковид-19, Јанковиќ останала во контакт со докторот, па така тие набрзо започнале да излегуваат.

Нивната врска одлично се развила, а како што потврди изворот, кој за српски Курир откри дека Јелена е бремена, тој не е сигурен дали бебето било планирано во пандемијата или било сосема случајно, но вели дека и двајцата се пресреќни што ќе станат родители.  Сѐ уште не е познато дали парот ќе се венча, поради пандемијата на коронавирусот која на сите им ги поремети плановите.