На денешната дебата во „Отворено студио“ во Телевизија 24, генералниот секретар на ВМРО-ДПМНЕ и Носител на листата на пратеници во Третата изборна единица, Игор Јанушев, во однос на проектите за економски развој  истакна дека партијата ќе биде фокусирана на подигнување на животниот стандард, со 4те милијарди инвестиции, бесплатната гасификацијата до секој дом, енергетските проекти и влезот на новите компании ќе бидат поттик за добар старт во економскиот развој.

-Најавивме нов инвестициски циклус од 4 милијарди евра, домашни и странски инвестиции што ќе бидат поттик за домашните и странските компании, веќе најавивме влез на три големи странски инвестиции веднаш по формирањето на новата влада, што ќе биде добар старт за развој на економијата, истакна Јанушев.

Тој вели дека ВМРО-ДПМНЕ ќе биде фокусирано на подигнувањето на животниот стандард, преку оној модел на реиндустријализација на државата, за да се создаде природен механизам за развој.

Јанушев потенцираше дека освен најавените 25% на платите на вработените, 20 % зголемување на пензиите во рок од четири години, се обврзува со обновата дека со овие мерки невработеноста ќе биде под историските 10%.

-Гасификација до секој дом, до секое семејство и тоа бесплатно на трошок на државата преку енергетски фасади во секој објект и 50% субвенционирање на трошоците за истите, ќе ја придвижи економската активност пред се на домашните компании,вели Јанушев.

Во делот за заштита на работничките права Јанушев потенцираше дека ќе се  реформира целосно инспекцискиот надзор во државата каде последниве години имаме селективно спроведување на правдата.