15 C
Скопје

Јанша ги предводи земјите на ЕУ кои сакаат „Голема Србија“ и распарчување на БиХ, Црна Гора и Северна Македонија

Политичката сцена на Босна и Херцеговина ја тресе драма во режија на раководството на Република Словенија, која има визија за „комплетирање на распадот на Југославија“, односно промена на границите на Балканот.

Словенија ќе го преземе претседателството со Европската унија на 1 јули, а словенечкиот премиер Јанез Јанша наводно планира да наметне одредена визија за „комплетирање на распадот на Југославија“ на агендата.

Ова може барем така да се протолкува, како што пишува Кликс.ба, од нон-пејперот што го испрати во Брисел, а тоа подразбира промени во границите, конкретно отцепување на Република Српска и прекројување на границите во Црна Гора, Северна Македонија и Албанија, како и враќање на планот Вучиќ-Тачи за прекројување на границата меѓу Србија и Косово.

Затоа амбасадорката на Словенија, Зорица Букинац, попладнево пристигна во Претседателството на БиХ на покана од членот Жељко Комшиќ. Амбасадорката Букинац треба официјално да го коментира овој неофицијален документ.

Во меѓувреме, Јанша негираше дека испратил „нон-пејпер“ до Брисел, неофицијален документ, кој исто така се однесува на иднината на БиХ.

– Последен пат минатата година се сретнав со претседателот на Европскиот совет. Тешко дека физички можев да му предадам нешто во февруари или март годинава – објави Јанша на „Твитер“.

Јанша додаде дека Словенија сериозно бара решенија за развој на регионот и европската перспектива на земјите од Западен Балкан, но дека „ваквите написи се обидуваат да ја спречат таа цел“.

Сепак, за порталот за politicki.ba од повеќе извори во Љубjана и Брисел било потврдено дека од кабинетот на Мишел му одговориле на Јанша дека тоа е „нон-пејперот“, „забележано“.

Сè започна со „непристојно прашање“ што претседателот на Словенија, Борут Пахор, им го постави на членовите на Претседателството на БиХ за време на неговиот неодамнешен престој во таа земја.

Жељко Комшиќ, член на Претседателството, потврди дека Пахор им рекол дека има сè повеќе гласови во Европа дека треба да се заврши распадот на Југославија, и дека потоа отворено праша:

– Можете ли да се раздвоите мирно во БиХ?

Според Комшиќ, тој и Шефик Џаферовиќ изјавиле дека мирното раздвојување не е можно, додека претседателот Милорад Додик изразил спротивен став.

Кратко по посетата на Пахор, Додик, според медиумите во БиХ, двапати ја потенцирал приказната за мирен распад, велејќи дека такви гласови можат да се слушнат во одредени кругови во Европа.

Целокупната содржина на скандалозниот документ сè уште не излезе во јавноста.

 

Поврзани вести

Нова скандалозна порно-група со слики и видеа: На Телеграм се појави „Перверзии на Балканот“

Слободен печат

Лајчак: Несомнено за Косово, успех во дијалогот значи да се стане земја кандидат за ЕУ

Слободен печат

Германија, Шпанија и Франција заедно ќе развијат нов борбен авион

Слободен печат

Регионален ковид-19 пресек: Мал пад на бројот на нови инфекции

Слободен печат

Бугарски брачен пар заврши зад решетки во Германија: Продавале новороденчиња во Грција

Слободен печат

Маск: Старлник услугата ја нарачаа половина милион луѓе

Слободен печат

Остави Коментар