Јанакиески призна дека „бомбите“ за „Космос“ се автентични
Второобвинетиот Миле Јанакиески, за денешното рочиште од судењето за уривањето на комплексот „Космос“ на Фијат Цаноски, призна дека објавените разговори во врска со случајот, познати како „бомби“, се веродостојни.
Обвинителството се обидува да докаже дека комплексот „Космос“ бил урнат поради политичка одмазда, по налог на тогашниот премиер Никола Груевски.
На денешното судско рочиште, на кое обвинетите ја изнесоа одбраната, Јанакиески не призна вина, но кажа дека разговорите се автентични.
Првообвинетиот Груевски, кој им наредил на Јанакиески и на тогашниот градоначалник на Гази Баба Тони Трајковски „да не го тупат и да го урнат „Космос“ со динамит“, е во бегство во Унгарија.