Денеска во 26 коло од најсилната италијанска кошаркарска лига екипата на Тренто загуби на гостувањето кај Тортона со резултат 103:84.

Македонскиот репрезентативец Андреј Јакимовски беше втор стрелец во редовите на Тренто со 14 поени, а за 22 минути игра на паркетот запиша и три скока.

Поефикасен од нашиот играч од гостинскиот тим беше само Американецот Калиф Бетл со 21 поен.

На спротивната страна Томасо Балдасо забележа 19 поени, два повеќе Пол Стефан Билига кој воедно имаше и пет скока.

На табелата Тренто е повторно надвор од позициите кои водат во плејофот, моментно е на деветтото место со 20 бодови.

Во следното коло Јакимовски и неговите соиграчи на 18 април ќе го пречекаат составот на Реџана.