Македонскиот репрезентативец Андреј Јакимовски влегува во посакуваната форма и од натпревар во натпревар игра сè подобро.

Откако на минатиот меч оствари личен рекорд по бројот на постигнати поени, ноќеска нашиот играч го оствари својот прв „дабл-дабл“ ефект во НЦАА кариерата.

На теренот помина 30 минути и за тој период поминати во игра реализира 11 поени (1/2 за три, 3/4 за два 2/3 од линијата за слободни фрлања) и 12 скока, плус три асистенции.

Не треба да се кажува дека беше убедливо најдобар скокач во својата екипа и оствари речиси третина од вкупниот број скокови на Вашингтон стејт.

И покрај одличната игра на Јакимовски, ВСУ го претрпе петтиот пораз во 13 натпревар. Бојс Стејт триумфираше со 58:53, па Кугарс сега се на седмата позиција во својата дивизија.