Моментално сме среде евровизиската недела, а вечерва ќе се одржи второто полуфинале на најпопуларното музичко натпреварување во Европа.

Иако евровизиските фанови се спремни за вечерашниот спектакл во арената во Ливерпул, тие сè уште ги споделуваат своите импресии од првата полуфинална вечер. Еден од највпечатливите настапи таа вечер беше оној на израелската претставничка Ноа Кирел, која настапи со песната „Unicorn“ и успеа да се пласира во големото финале на Евровизија.

Според многумина, оваа 22-годишна пејачка е најзгодната претставничка на годинашното издание на Евровизија. Покрај убавиот физички изглед, таа остави силен впечаток и со своите танцови способности.

„Дефинитивно, таа е мојата победничка годинава“, „Песната е одлична, а танцот ѝ е моќен, баш како што и треба да биде на Евровизија“, „Преубава и многу талентирана“, беа дел од реакциите на нејзиниот настап.

Имено, Ноа Кирел ја објавила својата дебитантска песна кога имала само 14 години, а потпишала договор со „Атлантик рекордс“ на 18-годишна возраст. Во меѓувреме, оваа млада и талентирана пејачка добила бројни награди, меѓу кои и за најдобар израелски изведувач на европските музички награди на „Ем-ти-ви“.

Годинашната израелска претставичка има нешто повеќе од еден милион следбеници на социјалниот медиум Инстаграм, каде нејзините обожаватели постојано ѝ оставаат коментари со силна поддршка за време на нејзината евровизиска приказна.