Маж од американската држава Орегон, не можел да верува кога го повикале од засолништето за животни и му рекле дека на улица ја пронашле неговата мачка, дури 5 години откако исчезнала, пишува BBC.

Црниот мачор по име Саша бил пронајден 1900 километри подалеку од својот дом, на улиците во Санта Фе во Ново Мексико, а го згрижиле волонтери од локалното засолниште за животни.

Засолништето без проблеми дошоло до сопственикот Виктор Усов, бидејќи Саша имал микрочип.

„Не можев да верувам. Мислевме дека нема повеќе шанси, дека никогаш повеќе нема да го видиме, но тогаш го примивме повикот и многу сме благодарни што Саша е жив и добро“, рекол Усов.

Засолништето нивното повторно среќавање го забележал со пренес во живо на Фејсбук.

Како мачорот стар 6 години завршил во Санта Фе, веројатно нема никогаш да го дознаеме, но неговиот сопственик верува дека некој го возел дел од патот.

Мурад Кирдар, гласноговорникот на засолништето, рекол дека оваа приказна ја нагласува важноста за микрочипирање на мачките.

„Едноставен микрочип со величина на зрно ориз се вградува под кожата на животното и е од голема помош во потрагата кога мачката ќе се изгуби“, препорачал Кирдар.