Израелските одбранбени сили ИДФ соопштија дека започнале копнена операција врз клучни цели во Јужен Либан кои ќе се однесуваат за проширување на тампон-зоната но и потиснување на либанската милитантна група Хезболах.

Според „Тајмс оф Израел“, израелската војска распоредува дополнителни сили подлабоко во областа како дел од проширената тампон-зона откако Хезболах почна да го напаѓа Израел претходно овој месец, во екот на војната со Иран.

Според соопштението, 91-та регионална дивизија Галилеја ја започнала операцијата доцна во саботата во источниот сектор на јужен Либан, за време на која војниците се судриле со оперативци на Хезболах и убиле неколку од нив.

⭕️ IDF troops have begun limited and targeted ground operations against key Hezbollah strongholds in southern Lebanon, aimed at enhancing the forward defense area.

This activity is part of broader defensive efforts to establish and strengthen a forward defensive posture, which…

— Israel Defense Forces (@IDF) March 16, 2026

Израелската армија соопшти дека операцијата имала за цел проширување на „зоната на напредна одбрана“.

„Оваа операција е дел од напорите за воспоставување напредна одбрана, вклучително и уништување на терористичката инфраструктура и елиминација на терористите што дејствуваат во областа, со цел отстранување на заканите и создавање дополнителен слој на безбедност за жителите на северен Израел“, соопшти војската.

Пред војниците да бидат распоредени подлабоко во областа, ИДФ соопшти дека израелските сили извршиле масовни воздушни напади и артилериско гранатирање „за да ги елиминираат заканите“.

Израелската војска посочи дека се подготвува да распореди дополнителни сили во Јужен Либан и дополнително да ја прошири тампон-зоната за да ја држи заканата од Хезболах подалеку од границата. наведува „Тајмс оф Израел“.