Со изложбата „Емоција во боја“, која е поставена во галеријата на МКЦ во Скопје, ликовната авторка Цветанка Јованова Хермес бележи свој уметнички јубилеј. Станува збор за нејзина 20-та самостојна изложба.

На изложбата ќе бидат претставени околу 30 дела во кои бојата е главниот носител на емоцијата, движењето и внатрешната состојба. Делата се движат меѓу фигурацијата и апстракцијата, со силен експресивен потег и интензивна колоритна палета.

Женските ликови, симболичните форми и растителните мотиви не се класични портрети, туку визуелни состојби на духот, оставајќи простор за лично доживување и интерпретација.

Отворањето на изложбата ќе се одржи на 10 февруари, во 19:30 часот, во Галерија МКЦ. Изложбата ќе ја отвори Касиопеја Наумоска, а како музичка поддршка ќе настапи Наталија Данаилова. Изложбата во галеријата на МКЦ ќе може да се посети во наредните две недели.