„Излези надвор, па таму кашлај“ (ВИДЕО)
Во текот на интервјуто на американскиот претседател Доналд Трамп за ТВ мрежата ABC News, шефот на администрацијата на Белата куќа, Мик Молвени толку кашлал, што Трамп го исфрлил од Овалната соба.
Оваа сцена беше емитувана во неделата, во специјалот во кој Трамп говори за истрагата во врска со наводното мешање на Русија во претседателските избори, поранешниот претседател Барак Обама и лошите резултати од неодамнешното истражување кое беше спроведено, пренесува Дејли Мејл.
Во моментот кога зборувал за финансиските извештаи, се забележало дека Трамп видно е изнервиран поради Молвени кој стоел зад камерата и постојано кашлал.
„Тој кашла во мојот говор. Не ми се допаѓа тоа, знаеш, не ми се допаѓа“, изјави Трамп.
Кога новинарот му кажал дека тоа е шефот на персоналот Молвени, Трамп се завртел кон својот службеник и му наредил да ја напушти просторијата.
„Доколку продолжиш да кашлаш, те молам напуштија просторијата. Не можеш да кашлаш, о Боже“, изјави Трамп.
Кога Молвени излегол, Трамп го продолжил интервјуто, кое траело речиси цел час.