Попладнето избегната е трагедија во водите на Охридското езеро. Полицијата спаси три лица откако околу 18 часот им се превртел катамаранот со кој пловеле.

По пријавата полициските служебници на Полициската станица за граничен надзор “Охридско Езеро” веднаш излегле на терен. Пловниот објект експресно бил пронајден, на два километри од брегот и утврдено е дека станува збор за превртена едрилица – катамаран на која имало три лица.  Лицата на возраст од 53, 50 и 49 години, сите од Скопје, пронајдени се во непосредна близина, во добра здравствена состојба, без повреди. Според нивниот исказ причина за незгодата бил силен ветер. Од страна на Езерската полиција, катамаранот е вратен во пловна состојба, а лицата се транспортирани на копно, до сместувачкиот објект.