Француската полиција уапси радикален исламист во центарот на Лион. Според информациите објавени од француските медиуми, уапсеното лице (роден 1994 година) им било од претходно познато на разузнавачките служби. Тој бил облечен во џелаба и воена јакна и мавтал со нож. Неговото апсење очигледно спречи друга трагедија, јави дописникот на МИА.

По неколку повици до полицијата од страна на минувачите, полицијата пристигнала на местото на настанот и го уапсила лицето, на аголот од улицата „Рмпарт д’Анеј” и улицата Виктор Иго според весникот „Ле Прогрес де Лион”.

Според информациите, станува збор за авганистански државјанин роден 1994 година, познат на разузнавачките служби по радикален исламизам и со чие апсење очигледно избегнало нова трагедија.

Пјер Оливер, градоначалник на 2-от арондисман во Лион, преку Твитер и се заблагодари на полицијата за интервенцијата што „помогна да се избегне нова трагедија”.

Un homme vient d’être interpellé par la police nationale à #Perrache armé d’un long couteau.
Merci aux policiers pour leur intervention efficace qui a permis d’éviter un nouveau drame ! #Lyon

— Pierre OLIVER (@poliver69) October 29, 2020

Во Франција, денеска се убиени три лица во терористички напад во Ница, од кои едното беше обезглавено, додека во друг инцидент, полицијата уби вооружен напаѓач кој им се закануваше на минувачите во Авињон. Исто така, во Саудиска Арабија беше избоден чуварот на францускиот конзулат.

ФОТО+ВИДЕО: Терористички напад во Ница, една жртва – се демонтира бомба