Историско прво место за Ферстапен на трката во Монако
Макс Ферстапен, возачот на „Ред Бул“, стигна до првата победа во Монако (петта трка оваа сезона во Формула 1), а вкупно 12 во својата кариера, и воедно се искачи на врвот во генералниот пласман.
Холанѓанецот беше најдобар во 67 издание на легендарната трка на улиците во Монте Карло за првпат во неговата кариера.
После лошите квалификации членот на „Мерцедес“, Луис Хамилтон имаше разочарувачки викенд и на крајот трката ја заврши како седмопласиран.
Неговиот клупски колега Валтери Ботас поради проблеми со пневматиците беше принуден да се откаже.
Второпласиран беше Карлос Сајнц, а трет Канаѓанецот Ландо Норис, додека Серхио Перез заврши на четвртата позиција.
Шарл Леклер кој во саботата ја обезбеди пол-позицијата имаше дефект на левиот менувач, немаше време за нова интервенција, па така Ферстапен ја искористи ситуацијата.
Моментно сезонава во Ф1 шампионатот води Ферстапен со 105 бодови (за првпат да води и во генералниот пласман), четири повеќе од актуелниот светски шампион Хамилтон.