Maкедонскиот ракометен шампион РК Алкалоид го запиша првиот триумф во Европската лига на ЕХФ откако вечерва со 28:27 ја совладаа Ла Риоха.

Гостите од Шпанија играа добро во поголем дел од првото полувреме, па во еден моомент поведоа и со пет гол разлика 10:5. Но, македонскиот претставник го засии темпото и во завршницата од првиот дел успеа да дојде до „минус два“ на полувремето (15:13).

Почетокот на вториот дел му припадна на Алкалоид, па многу брзо избраниците на Лазаров имаа водство од 18:14. По водството на Алкалоид следуваше серија на Ла Риоха од 5:0 за 19:18.

Сепак, македонскиот тим не се предаде и се бореше храбро до завршницата кога го скрши шпанскиот ривал и славеше со 28:27.

Митев со десет гола беше најефикасен, пет пстигна Џонов, а четири Велковски, додека на голот брилијантен беше Галевски со 17 успешни интервенции.