Амбасадорот на Иран во Обединетите нации, Амир Саид Иравани, изјави дека блокадата на иранските пристаништа од страна на САД претставува тешко кршење на суверенитетот на земјата, во услови на кревок прекин на огнот.

„Воведувањето поморска блокада претставува тешко кршење на суверенитетот и територијалниот интегритет на Исламската Република Иран“, рече Иравани во писмо до генералниот секретар на ОН, Антонио Гутереш, објавиja медиумите “.

Тој во писмото наведува дека нелегалната блокада, исто така, претставува сериозно кршење на основните принципи на меѓународното право на море.

Американскиот претседател Доналд Трамп нареди блокада на бродовите што влегуваат или излегуваат од иранските пристаништа и крајбрежните области во Персискиот Залив, со почеток во 16:00 часот по средноевропско време вчера, како одговор на блокирањето на преминот од страна на Иран за сите бродови што ги смета за непријателски земји.

Трамп предупреди дека сите ирански бродови што ќе се обидат да ја заобиколат блокадата ќе бидат уништени.