Од почетокот на годината, заклучно со 30 октомври се направени 3.712 контроли, а кај 1.900 се најдени неправилности, информираше директорката на УЈП Сања Лукаревска на брифингот со новинарите.

Покрај ваквите редовни контроли се направени и акциски во Бутел, Стара чаршија и во Чаир. Од 63 извршени контроли, кај 43 се евидентирани неправилности.

Во Арачиново е правена контрола со Пазарен инспекторат и од16 отворени објекти, кај 8 се најдени неправилности и дополнително 8 се со нерегистрирана дејност.

Направени се контроли и на клиники, односно проверка на 11 фискални системи, при што кај 4 има неправилности. Станува збор за неиздавање фискални сметки во Детска болница, Очна и на Онкологија, како и на еден институт. На Институтот за јавно здравство се правени проверки за данок на добивка.

Во два наврата има постапка и за паркингот на поликлиниката Бит-пазар каде што две нерегистрирани лица наплатувале паркинг.