Илјадници активисти и приврзаници на самостојноста на Хонгконг синоќа се собраа во центарот на градот на собир што го нарекоа „Ден на благодарноста”, за да им се заблагодарат на САД за донесувањето на законот со кој им се даде поддршка на демонстрантите во Хонгконг.

Истовремено, тие ветија дека „ќе продолжат да маршираат” и да се борат за своите цели, јавија американските медиуми.

Американскиот претседател Доналд Трамп завчера го потпиша законот што беше усвоен од Конгресот за давање поддршка за демонстрантите во Хонгконг и санкции кон кинеските власти.

Еден од законите ги потпишува економските санкции за Хонгконг и кинеските официјални претставници, кои се прогласени за виновни за кршење на човековите права.

Вториот го забранува извозот на одредена маневарска муниција за хонгконшката полиција.

Кина вчера го повика на разговор американскиот амбасадор тери Брендстад за да му изрази „силен протест” заради одлуката на претседателот Трамп да го потпише законот за човековите права во Хонгконг.