Играјте си со бои и форми за визуелно зголемување на просторот
Малите станови во кои има мали дневни соби, претставуваат предизвик, и неисцрпна можност за уредување и развивање на креативноста на нивните сопственици. Изборот на ваков дом наместо да ви претставува причина за стрес, поради тоа што сметате дека на тој начин нема да имате доволно простор за да ги соберете сите работи, следете ги овие совети и истиот ќе го декорирате на начин на кој не сте ни помислиле дека е можно.
Имено, малите дневни соби, бараат многу поголема креативност во уредувањето, отколку што е потребна за уредување на поголеми дневни соби. Обрнете внимание на деталите. Тие се многу важен дел од уредувањето на просторот.
Имајќи го во предвид фактот што токму во таа просторија чекате гости но и поминувате поголем дел од денот, направете ја оваа просторија уредена по ваш вкус но исто така и удобна.
Дневната соба во многу случаи е срцето на домот. Во неа се одвиваат сите друштвени активности, се собираат пријатели, целото семејство, во неа се споделуваат голем број од заедничките убави моменти.
Токму, затоа, обидете се да извлечете максимум од просторот во вашата мала дневна соба.
Прифатете го предизвикот и плански организирајте го и умесно распоредувајте го мебелот како и декоративните елементи, притоа обрнувајќи особено внимание на изборот на бојата.
Како и да е, имајте го во предвид фактот што, при уредувањето на малите дневни соби, без сомнение важат истите правила како и за уредувањето на целиот ентериер на малите домови. Поголемите дневни соби со својата пространост нудат повеќе можности за декорација и уредување, но оние помали дневни соби секогаш се малку попредизвикувачки за уредување и бараат добро планирање на декорот, складишниот простор и неопходниот мебел.
За која варијанта на боја, мебел или пак маса и да се одлучите, обрнете внимание дека, во секоја дневна соба, без разлика на нејзината квадратура, би требало да има, клуб маса, кревет, место каде што ќе го поставите телевизорот како и некои интересни полици.
Сепак, за да го проширите визуелно вашиот простор, при изборот на боја за ѕидовите, одберете посветли бои. Слободно можете да ги исфарбате ѕидовите бели, што дури и е препорачливо за мал простор, но доколку оваа идеја не ви се допаѓа, тогаш одлуката нека падне да светло жолтата или кремастата боја.
На тој начин вашата мала дневна соба би изгледала светла, попространа и поголема.
Околу изборот на бојата на мебелот пак, опуштете се при одлучувањето како ќе изгледа истиот. Експериментирајте. При изборот на бојата на мебелот за малите дневни соби, дури е и препорачливо да се купи мебел со интензивни бои. Интензивните бои на мебелот ќе доминираат во просторот, а ваквата комбинација со светли ѕидови би изгледала совршено.
Кога се одлучувате за тоа каква клуб масичка би избрале за да ја поставите во централниот дел на вашата дневна соба, препорачливо е изборот да падне на масички направени од стакло. Доколку имате доволно простор, ставете околу неа и проѕирни столчиња за сликата да изгледа целосна. Сите што ќе го посетат вашиот дом, ќе бидат воодушевени од глетката.
Многу важно при изборот на клуб масичка покрај материјалот од кој што е направена истата е и да се обрне внимание и на формата. Препорачливо при уредување на мали простори е наместо една поголема, да се стават неколку помали, со кои може да си играте и да ги уредите и преуредувате во секое време и коа ќе го отворат и направат просторот во дневната позабавен.
За целосно слика на стилски уредена мала дневна соба, потребен ви е и интересен килим. Независно дали истиот ќе биде во неутрални или пак во силни тонови, килимот ќе го дефинира просторот и ќе ѝ даде посебен карактер на дневната соба, истакнувајќи ја како посебен простор.
Исто многу важен детал околу уредувањето на малите дневни соби е во целост да го искористите просторот. Затоа обидете се да ги искористете дури и ќошевите.
На тоа место, можете да поставите полици, ламба, па дури и растенија. Ваквиот потег ќе внесе свежина во просторот а собата ќе ја направи повпечатлива и поинтересна.
Интересно е да се напомене дека, најголемата предност што ќе ја добиете доколку живеете во мал стан кој има мала дневна соба е тоа што нема да ви биде потребен многу мебел и украсни детали за да изгледа потполно, што значи и поголема заштеда на средства. Ограничувањето во квадратурата нѝ овозможува да вложиме малку повеќе енергија во уредувањето, бирајќи квалитетни парчиња кои ќе го подигнат просторот на едно повисоко ниво.