Кристијано Роналдо, еден од најдобрите фудбалери на сите времиња, неодамна со високи зборови зборуваше за Новак Ѓоковиќ, нарекувајќи го симбол на истрајност, дисциплина и врвност во спортот.

Во гостување кај британскиот новинар Пирс Морган, португалската ѕвезда зборуваше за спортистите кои, според него, се пример за континуитет и професионализам. Меѓу нив ги издвои Ѓоковиќ, Леброн Џејмс и Лука Модриќ, истакнувајќи дека токму нивниот однос кон кариерата треба да биде лекција за младите генерации.

„Новак е фантастичен пример“, рече Роналдо, по што Морган потсети дека најдобриот тенисер во историјата неодамна признал дека токму Роналдо му е една од најголемите инспирации – особено во намерата да продолжи да се натпреварува и по четвртата деценија од животот.

„Ѓоковиќ вели дека сака да си докаже себеси дека може и понатаму да игра на највисоко ниво – и дека ти си доказ дека тоа е можно. Тој се инспирира од тебе“, му рече Морган на португалската легенда.

Португалецот не заборави и да се заблагодари за пофалбитее кои ги доби.

„Навистина е прекрасно кога луѓе од други спортови зборуваат убаво за тебе. Тоа многу ми значи. Новак е вистински пример за големина. Драго ми е што така мисли“, истакна португалскиот напаѓач.

Cristiano Ronaldo about inspirations from other sports :

“Djokovic…He’s example of Greatness in a sport. He inspires me. I thank him for his kind words” (At six kings slam when Novak told Cristiano inspires him)

🐐x🐐

pic.twitter.com/G2pYIAZEVR

— SK (@Djoko_UTD) November 6, 2025

Преземено од: Спорт.ком.мк