Тимот на Работнички денеска ги мина задолжителните тестови за ковид-19. Во организација на Синдикатот на фудбалери на Македонија и Аџибадем Систина, прволигашките клубови пред стартот на тренинзите се обврзани да извршат тестови на коронависурот.

Мобилна медицинска екипа од Аџибадем Систина денеска ги посети „романтичарите“ и ги тестираше сите играчи, стручниот штаб и клупската администрација.

Недостигаат дел од странските фудбалери и шефот на стручниот штаб Ратко Достаниќ кои треба да се приклучат наредните денови, во согласност со протоколот и олабавување на мерките за влез на странски државјани.

По извршените тестови на коронавирусот, фудбалерите под раководство на првиот асистент Баже Илијоски одработија и тренинг, секако почитувајќи го протоколот за задржување на дистанца и без групирање во поголеми групи.