Судот во Сплит одредил мерка затвор за две млади лица осомничени за силување на млада девојка од Имотско, кое се одиграло во саботата на 16 јануари, пренесува Индекс.хр.

Според овие информации, момчињата на возраст од 29 и 22 години најпрво ја опиле 20-годишната девојка, а потоа повеќе пати ја силувале. Сето ова се случувало во викендица на 22-годишното момче во Имотско, а девојката наводно цело време барала помош и пробувала да се ослободи.

Едниот од двајцата осомничени потоа ја однел девојката кај нејзина пријателка, на која таа и се доверила, а по болките во стомакот, таа била однесена во здравствениот дом во Имотско.

Откако ја прегледале, докторите за настанот ја известиле полицијата.

По апсењето тврделе дека ги „исполнувале нејзините желби“

За време на испитувањето во полицијата и двајцата осомничени го негирале делото и рекле дека тоа се случило со согласност од страна на девојката.

„Далматински портал“ пренесува дека сторителите се бранеле со тоа дека девојката сама прифатила се, односно дека тие само ги исполнувале нејзините желби.

За тие да немаат влијание на сведоците, судијата ги сместил во истражен затвор.