Холштајн: Северна Македонија кон ЕУ може да се потпре на неограничената поддршка од Германија

Северна Македонија може секогаш да се потпре на поддршката од Германија, вели амбасадорката на Германија Анке Холштајн во интервју за медиумската платформа на Цивил, во кое говори за повеќе теми, меѓу кои и перспективите на ЕУ интеграцијата. 

– Северна Македонија може да се потпре на неограничената поддршка од Германија во овој процес – изјави амбасадорката Холштајн.

Притоа, Холштајн ја истакна потребата реформскиот процес да не остане на хартија и навистина да одговара на европските стандарди.

– Реформскиот процес не е цел сама за себе, туку станува збор за тоа земјата опширно да се модернизира и да се подготви, на пример, и пазарот да може да го издржи пазарот на Европската унија. Или системот на правна држава, поглавјето што прво се отвора и последно се затвора, навистина да одговара на европските стандарди, да не е на хартија, туку да е реалност. Овој опширен процес на реформи и модернизација е за луѓето во земјата, тие имаат корист од него – вели германската амбасадорка.

Интервјуто во целост ќе биде објавено в понеделник, 3 октомври, Денот на германското единство.

Видео на денот