Холандија е силна и без Ван Дајк: Селекторот Де Бур со 34 кандидати за ЕП!
Денеска селекторот на холандската репрезентација, Франк де Бур објави 34 кандидати за учество на Европското првенство следниот месец.
„Лалињата“ се едни од ривалите на Македонија на ЕП, а според најавите Де Бур својот конечен список на играчи на кои ќе смета на континенталниот собир ќе го објави на 26 мај.
Против најдобрите холандски фудбалери ќе се соочиме во последниот трет натревар од групната фаза, поточно на 21 јуни во Амстердам.
Како што е веќе познато, Де Бур поради повреда нема да може да смета на еден од најискусните одбранбени фудбалери, членот на Ливерпул, Вирџил ван Дајк.
🆕 Timber & Gakpo
🔙 Karsdorp & El GhaziThis is the provisional squad for #EURO2020!
ℹ️ https://t.co/siOfazabtE. pic.twitter.com/c1JdsE6z9V
— OnsOranje (@OnsOranje) May 14, 2021
Но, Холанѓаните имаат уште доста квалитет кој ќе се обидат да го покажат и докажат на Европското првенство.
Тука се Дони ван де Бек (Манчестер јунајтед), Стивен Бергвајн (Тотенхем), Дејли Блинд (Ајакс), Јаспер Силесен, (Валенсија), Мемфис Депај (Олимпик Лион), Френки де Јонг (Барселона), Матијс де Лихт (Јувентус), Џорџино Вајналдум (Ливерпул)…