Хоакин Феникс и Руни Мара проговорија за нивниот син Ривер: Иако е многу мал тие се загрижени за иднината која го чека!
Актерската двојка досега се немаше обратено до медиумите, но сепак по два месеци почувствуваа потреба да проговорат пред јавноста за нивниот нов член во семејството.
Хоакин Феникс (46) и Руни Мара (35) станаа татко и мајка пред два месеци. Парот доби син по име Ривер, кој е крстен по починатиот постар брат на славниот актер.
За прв пат по тој радосен настан, актерите и се обратија на јавноста преку магазинот „People“, за да истакнат еден малку занемарен проблем во американскиот социјален и политички живот: Темата беше за 545 деца кои се одделени од своите родители на американско-мексиканската граница.
Парот ја нарекол „неподнослива“ самата помисла некој да ги оддели од нивното дете еден ден, а камоли со години и изрази загриженост за тоа како денешниот свет ќе му го објасни на нивниот син.
– Треба да се запрашаме: дали е ова земјата што ја сакаме? Дали се ова наши вредности? Како ќе се чувствуваме кога ќе треба да му објасниме на нашиот син, кога тој ќе нè праша за ова време, за тоа како се однесувавме кон исплашени деца без заштита, од кои некои можеби никогаш повеќе нема да ги видат своите родители? – се запрашаа и самите Феникс и Мара преку обраќањето преку магазинот „People“.
Тие споменаа дека се надеваат дека ќе можат да му кажат на Ривер кога ќе порасне дека Америка ја отфрлила таквата суровост.