Во НБА нема дилема, Џејмс Харден е еден од најдобрите кошаркари на денешницата и кога ќе ја заврши кариерата Хјустон во негова чест ќе го повлече дресот, но веќе постои едно место каде популарната брада е „бесмртен“.

Во подкастот на Џо Буден е откриено дека дресот на Харден веќе е „пензиониран во стриптиз клуб во Хјустон“ и тоа бидејќи за само една вечер потрошил неверојатни милион долари. Поради тоа сопствениците на стриптиз клубот покажаа дека го ценат неговиот потег и одлучија да му „оддолжат“.

„Дресот на Харден виси на плафонот на стриптиз клуб. Го направија тоа бидејќи трошеше како луд за една вечер и поради тоа го „повлекоа“ неговиот дрес“, беше откриено во подкастот, а Џејмс Харден не сакаше да одговори на овие тврдења.

Очигледно е дека „брадата“ ужива во танците за девојките и е чест гостин во стриптиз клубовите, а сумата од милион долари за една ноќ е „ситница“ за Харден бидејќи тој сезонава само од Хјустон инкасира дури 38 милиони долари.