Националната здравствена служба на Англија одбива да ги објави информациите за смртност кај хендикепираните и аутистичните пациенти, пишуваат британските медиуми.

Бројот на починати во болниците за ментално здравје во Англија е удвоен од почетокот на ширењето на корона вирусот, соопштува Комисијата за квалитет на нега.

Комисијата открива дека смртноста во болниците за ментално здравје се дуплирала во однос на минатата година откако 54 починати се поврзуваат со корона вирусот во изминатите три месеци.

Во исто време , Националната здравствена служба во земјата одбива да ги објави информациите поврзани со бројот на смртни случаи регистрирани кај хендикепирани лица како и кај аутистичните пациенти, пренесува британски „Гардијан“.

Комисијата за квалитет на нега издаде предупредување до болниците за ментално здравје дека мора да преземат мерки за заштите на ранливите пациенти.

Вкупно за 54 случаи е потврден сомнежот дека починале од Ковид – 19.