Ѓуриќ по историскиот резултат на изборите: Приштина мора да тропне на вратата на Српската листа ако сака легитимни институции
На вонредните парламентарни избори на Косово и Метохија, Српската листа ги освои сите 10 загарантирани мандати, пренесува Курир.рс
Директорот на Канцеларијата за Косово и Метохија, Марко Ѓуриќ, порачува дека „нема легитимна влада во Приштина и покраинските институции без учество на српски претставници“.
Според прелиминарните резултати, Рамуш Харадинај и Кадри Весели заминуваат во опозиција.
Ѓуриќ рекол дека Србите покажале дека кога е тешко, тие знаат да бидат единствени. За време на кампањата, Српската листа, потсетуа тој, била опструирана со цел Србите од Косово и Метохија да се одделат од Белград.
– Србите во Косово и Меттохија го разбираат значењето единството, се одѕиваат на повикот од својата држава – порачал Ѓуриќ.
Директорот на Канцеларијата за Косово и Метохија рекол дека Србите ќе зборуваат со силен и единствен глас пред Албанците, но и пред меѓународната заедница.
Со освојувањето на сите 10 мандати, според него, сега веќе преговарачката позиција на Србија е полесна.
Ѓуриќ истакнува дека „нема легитимна влада во Приштина и покраински институции без учество на српски претставници“.
– Ќе мораат да тропаат на вратата на Српската листа ако сакаат легитимно формирани институции, за тоа се изборија Србите – порача Ѓуриќ.
Според прелиминарните резултати од вчерашните избори во Косово и Метохија, победата ја однесе партијата на Самоопределување на Албил Курти, додека Харадинај и Кадри Весели се селат во опозиција.