Дмитриј Песков, портпарол на рускиот претседател Владимир Путин, изјави дека односите меѓу Русија и Соединетите Американски Држави треба да се подобрат и да се отворат нови можности за трговска и економска соработка.

„Мораме да ги подобриме билатералните односи. Мораме да отвориме нови можности за трговска и економска соработка“, рече Песков во интервју за Си-Ен-Ен, додавајќи дека сегашната ситуација води до губење време и ресурси од двете страни.

Тој истакна дека Кремљ се надева на дипломатска соработка со американскиот претседател Доналд Трамп во решавањето на украинската криза.

Песков предупреди и за опасноста од нуклеарната реторика, истакнувајќи дека нуклеарното оружје е средство за одвраќање, но разговорите за него можат да бидат ризични.