ГРК Охрид ги продолжи договорите со тројца свои играчи. Левото крило Никола Ристески и пивотменот Иван Тасески ги продолжија договорите со клубот до 2028 година.

Левиот бек Дејан Кукуловски ќе остане верен на клубот до 2027 година.

Играчите предводени од тренерот Борис Ројевиќ моментно се на подготовки во Србија за пролетниот дел од сезоната.

Пред два дена ракометарите на Ројевиќ славеа убедливо со 40:21 над тимот на Врбас. Новото засилување, хрватскиот пивот Џанфранко Прибетиќ беше најефикасен со седум голови.

Како што најавија од клубот, на 17 и 18 јануари екипата ќе биде дел од петтото издание на турнирот „Вук Рогановиќ“ во Белград, каде што ќе игра полуфинале со екипата на РК Динамо Панчево (Србија), а во вториот ден ќе се играат натпреварите за пласман. Останати учесници на турнирот се РК Партизан (Србија) и РК Тримо Требње (Словенија).