Ракометниот клуб Охрид од следната натпреварувачка сезона ќе ја засили одбраната со најдобриот шпански дефанзивец во АСОБАЛ лигата за 2024/2025.

Ориол Реј Моралес е новиот играч на тимот на ГРК Охрид кој се обврза на минимум двегодишен договор.

Специјалистот за одбрана доаѓа по одличната сезона во Гранолерс (Шпанија) во Европската Лига и во домашниот шампионат.

Реј кој има 31 година (190 см), шест сезони го носеше и дресот на моќната Барселона со настапи во Лигата на Шампионите, а две сезони играше и во француското првенство и во ЕХФ Европската Лига со тимот на Пау Аикс.

Настапуваше за сите младински категории за репрезентацијата на Шпанија и освоена бронза на Европското првенство У21 во 2014/15. Играше и за најдобрата шпанска репрезентација на пријателски натпревари и на турнир во Катар.