Денеска во својот последен натпревар оваа сезона во машката ракометна Супер лига екипата на ГРК Охрид со 29:22 славеше против Тиквеш.

После првото полувреме тимот предводен од тренерот Борис Ројевиќ имаа предност од пет голови разлика (17:12).

Во победничките редови по четири голови имаа Косуке Јасухира, Христијан Софкоски, Николаос Лиапис и Владимир Бојаниќ.

На спротивната страна Томче Стојановски запиша 10 погодоци, а пет помалку имаше Мики Лазов.

ГРК Охрид сега целосно ќе се фокусира на реваншот од финалето во ЕХФ Европскиот куп против Татабања што ќе се игра на 31 мај во салата „Билјанини Извори“ (20.00 часот).

Потсетување, на првиот меч во Унгарија, македонскиот претставник триумфираше со резултат 29:28.